HMA LAM PAN ZEL ANG

---

 

Dam chakna pawh nei zo lo khawpa hringnunin natna min thlen chang a awma, Hlimna zawng zawng hi ka ta emaw tihchang kan nei bawk thin.Kan hmangaihte nen a damchhung tawite kan tih hnuah ni khat chauh pawh a rei lutuk hun a lo thleng leh thin a...Kan thawhrimna te kan mittui ti tam tu a nih chang a awm bawk.Kan mamawh a nih vang pawh ni lova kan hmangaihte kan chan hun a awma tawrhthiam a ?ul thin.Hmasawn tura mahni kan inring lo a nih pawn a tha ber beiseina hmangin hmalam chu kan pan thei.Nun hi ho tâk mai a ni a uluk taka hman erawh a ngai thung. Nun hi hahthlak tak angin lang thin mah se, kan thlir dan a zirin a awlsam thin...


Hringnunah hian harsatna tam tak beidawnna, tahna, mittui tlakna te tawkin tluk changte kan nei thin. Mahse kan tlu a nih pawhin tho leh tur kan ni zawk. Kan tlukna ngaia tlu hlen mai lovin ka chakna hi ka theihna a ni tih hriain huaisen takin beiseina nen hma lam pan hram hram a duhawm thin.

I thil tih tur reng reng a tawp i thlen hma chuan I beiseina ti bo suh, i beiseina a bo a nih pawhin beih hram hram rawh. Beidawnna phenah beiseina êng a awm thin a nih kha. Hlimna, lawmna i chanin lantir hma lutuk suh. Indona hmuna i awmin a tawp hma chu indona hmun chhuahsan suh...hnehna changtute hi hmalam pana huaisen taka a tawp thlenga beih hram hram tute an ni thin...



C KANANA ZOTE 29th MAY
Hringnun Lamtluang