Student's Forum

Administrator

2017-11-07 10:44:53


 

Article hmasa ber atan STUDENT's FORUM chungchang ka han thailang zuai zuai a nge, article post duh te tan a tangkai dawn a ni.

Hemi section kan ngaihtuah chhuahna ber chu zirlaite'n an vei zawng an puanchhuah theih nan a siam a ni a. Zirlai chungchang a ni emaw, kan MIT kalphung a ni emaw, engpawh a leng vek ani. Chutih rualin kan thuziakte kan fimkhur a ngai. Mimal leh pawl rilremlo zawng, mi rilru tina thei ang chi reng reng postphal a ni lo. Kan article te hi enfel phawt zel ani anga, publish tlak a nih chauhin website ah hian a lang ang.

Tu te'n nge post thei?
MIT a zirlai zawng zawng, tuna zir mek leh lo zir thin te'n an post thei a ni.


Eng lam hawi nge post theih?
MIT kaihhnawih a nih chuan huam chin bik a neilo. Zirlaite tana siam a nih angin an rilru a an vei zawng, MIT kaihnawih, zirlai hmasawnna lam thil te a leng vek.


Engtin nge ka article ka post ve ang?
Login nan phone number leh password a ngai. Phone number hi MIT a i submit ang kha hman tur a ni a. Password hi i pian kum (Date of Birth) hman mai tur a ni. Hemi format hian type tur : YYYY-MM-DD. I login theilo a nih chuan Office lamah min lo hriattir dawn nia.


Ka article post a lang ve lo?
I thil post reng reng hi website ah a lan hmain check hmasak phawt zel an ni a. Post tlak a nih chuan hotute'n an verify hnuah a lang chauh ang. Thu thalo emaw midang rilremlo zawng post phal a ni lova. I post Reject a nih chuan nangma hnenah mimal in hriattir i ni ang.


Ka login ve thei lo?
Login ah harsatna i neih chuan Office lamah i harsatna kan lo chinfelsak ang che

Recent posts